22 აპრილს მსოფლიოში "დედამიწის დღე" აღნიშნება.
ამ დღესთან დაკავშირებით მესტიის მუნიციპალიტეტის ბეჩოს ტერიტორიული ერთეულის რწმუნებულისა და ბეჩოს განვითარების ცენტრის-,,ლალხორის“ თანამშრომლობის ფარგლებში, ბეჩოში დასუფთავების აქცია გაიმართა.
ამინდის გაუარესების მიუხედავად ადგილობრივებმა გადაწყვიტეს ბეჩოს თემი " დედამიწის დღესა" და აღდგომის ბრწყინვალე დღესასწაულზე უკვე დასუფთავებული ყოფილიყო, ამიტომ 21 აპრილს მათ დიდი ენთუზიაზმით დაასუფთავეს ბეჩოს თემის ცენტრალური გზის მიმდებარე ტერიტორია.
როგორც მესტიის მუნიციპალიტეტის მერის წარმომადგენელი  ბეჩოს ტერიტორიულ ერთეულში, სიმონ არღვლიანი აცხადებს, მოხარულია, რომ დასუფთავების აქციას ბევრი ახალგაზრდა შემოუერთდა.
" დღევანდელ აქციას შემოუერთდნენ ის ადამიანები, რომლებმაც უნდა შექმნან ჩვენი მომავალი. ეს არის სიმბოლური აქცია, რომლითაც მოვუწოდებთ ყველას, არ დაყარონ ნაგავი სოფელსა და მის შემოგარენში. ამასთან, მკაცრდება ადმინისტრაციული პასუხისმგებლობის ზომები და უფრო მეტად მკაცრები ვიქნებით მათ მიმართ, ვინც აბინძურებს გარემოს'', - განაცხადა სიმონ არღვლიანმა.
აღსანიშნავია, რომ მიუხედავად დასვენების დღისა (შაბათი) დასუფთავების აქციის შედეგად შეგროვებული ნარჩენების სოფლიდან გატანა დასუფთავების თანამშრომლებმა განახორციელეს.
ღონისძიების მიზანი გარემოს დაბინძურების წინააღმდეგ ბრძოლა და ამ მიმართულებით მოსახლეობის ცნობიერების ამაღლებაა.
შეგახსენებთ, რომ „დედამიწის დღე“ 22 აპრილს პირველად მსოფლიო მასშტაბით 1970 წელს, ხოლო საქართველოში პირველად 1990 წელს აღინიშნა.